Најдобриот светски тенисер, Новак Ѓоковиќ, ја доби престижната титула на најдобар спортист за 2018 година, на свеченост во Монте Карло.
Ѓоковиќ вечерва се закити и со наградата Лауреус, а ова е четврта награда во неговата кариера, која е доделена за најдобри спортски резултати во минатата година.
– Секој спортист сака да ја освои оваа награда и со самото тоа, таа за мене претставува голема чест. Фактот дека вечерва сум меѓу голем број спортски великани на оваа наградаи дава особено значење – рече Ѓоковиќ.
Други кандидати за наградата беа Лука Модриќ, Леброн Џејмс , Луис Хамилтон , Килијан Мбапе и Елиуд Кипчоге.
За најдобра спортистка на светот е прогласена гимнастичарката Симон Бајлс, а наградата за животно дело му припадна на Арсен Венгер.
(ФОТО: Принтскрин/Твитер)
