Почна ловната сезона во штипскиот регион. Ловното здружение „Ловец“ од Штип викендов организираше хајка на диви свињи во која учествувале 200 ловџии, а отстрелани се три диви свињи.
Николче Малинов од „Ловец“-Штип појаснува дека овие хајки се на барање на жителите од лакавичкиот и плачковичкиот регион, бидејќи во текот на летото имале големи штети на земјоделските култури од дивите свињи.
– Ловната сезона започна, а сега на 11. октомври почнува главната сезона за отсрел на див зајак, еребица и, секако, останува дивата свиња – вели Малинов.
Тој денеска информираше дека како ловно здружение ќе имаат организирани хајки и за штетен дивеч, а се лови на сите седум ловишта, кои се дадени под концесија на ова здружение.
