Малите кучиња од Вардариште не починале поради тоа што биле таму. Ќе се породи кучка со кучиња и по природна селекција некои умираат, рече градоначалникот Петре Шилегов на денешната седница на Советот на Град Скопје.
-Зошто некој досега не работел системски? Зошто немало досега градски регистер за миленичиња? – рече Шилегов одговарајќи на обвинувањата дека мали кучиња умреле во стационарот поради лоши услови и болести.
Една од советничките рече дека сите советници треба да разговараат на оваа тема, а не некои да доаѓаат само за да се напијат кафе и да кренат раце дали се за или против.
Советниците во градското собрание со 27 гласа „за“, два „против“ и еден „воздржан“ ја изгласаа да се измени одлуката за субвенционирање ја ЈП „Комунална хигиена“ со што се предвидура измена во буџетот предвиден за стационарот.
