Руската тенисерка Марија Шарапова зборуваше за карактеристиките на УС Опен, каде се во тек квалификациите за главниот турнир.
– Без разлика каде се наоѓате во светот, кога ќе стигнете во Њујорк, има нешто многу возбудливо. Чувствувате како спортската публика да е зад вас, чувствувате енергија. Спортистите секогаш велат дека нема ништо подобро од вечерен меч на УС Опен, и јас целосно се согласувам со тоа, истакна Шарапова.
Грен слемот во Њујорк ќе трае до 8 септември, а денес ќе бидат извлечени двојките за првото коло.
