Техничкиот министер Наќе Чулев со телегарама си ги бара да се вратат во дворот на Министерството за внатрешни работи возилата кои неговиот претходник, а сегашен технички премиер, Оливер Спасовски, ги распоредил на други институци. Чулев обвини за несоодветно користење на 35 автомобили и џипови.
Неговата заменичка, Славјанка Петровска, пак, вели дека нема ништо незаконско или ново, туку дека возилата биле неопходни и дека не го разбира однесувањето на Чулев.
-Дел од возилата кои ги бара техничкиот министер се кај премиерот за потребите на обезбедувањето, според процедируте, но и согласно степенот за обезбедување. Не може да повлечете возила од кај премиер или од кај претседател за потребите на советниците во кабинетот. Доколку има непрописно користење на возилата, тогаш треба да се пријави во внатрешна контрола. Ова е скандалозно непознавање на прописите – истакна Петровска за Телма.
Министерот Чулев додаде дека е многу симптоматично тоа што последните денови пред да си замние Спасовски биле распределни возилата по други институции.
– Од 2000 возила во МВР, вработените во мојот кабинет се оставени без возила и не може да функционираат. Возилата што ги бараме, Владата не ги користи за обезбедување на премиерот туку за други намени. Не би си дозволил да барам такви возила – вели Чулев.
