Чесни сестри од еден манастир во Калифорнија заработуваат околу 100.000 евра годишно од производство на марихуана.
Со овој бизнис почнале во 2011 година, со само 12 растенија, а денеска работата им цвета. Тие тврдат дека со своите производи од канабис се во состојба да излечат многу болести, од епилепсија до рак, и наводно досега од зависности спасиле осум лица, пишува „Independet“.
– Работевме со осум луѓе кои беа зависници од алкохол, цигари и дрога и на сите им беше подобро. Имаме сто отстотен успех во лечење од зависности – вели чесната сестра Кејт Мијусен.
Таа марихуаната ја опишува како „преубава билка која лечи“.
– Светот пополека се отвора на идејата дека канабисот е лек, а не опасна дрога – вели таа.
За нив неодамна е снимен документарец „ Braking Habits“ и тие се надеваат дека тоа ќе им помогне да го прошират своето бизнис царство.
– Сакаме соработка со Холивуд бидејќи така најбрзо ќе допреме до целиот свет – вели сестрата Кејт.
