Поранешниот англиски фудбалски шампион Челзи презентираше финансиски извештај за сезоната 2018/19 година. Приходот на лондончаните до 30 јуни 2019 година изнесува 446,7 милиони фунти. Сепак, Челзи, по две последователни профитабилни години, забележа загуби – 96,6 милиони фунти.
Ова се должи на трошоците за трансфери и промена на тренерскиот персонал, како и на неучеството на клубот во Лигата на шампионите.
Челзи инвестираше рекордни 280,6 милиони фунти во првиот тим во текот на извештајната година, вклучително и аквизициите на Кепа Аризабалага, Кристијан Пулишиќ, Матео Ковачиќ и Жоржињо.
Да не бидат загубите поголеми придонесе зголемувањето на заработката за 14,5 милиони фунти по партнерствата со „Hyundai“, „Vitality Health“, „MSC Cruises“, „Unilever“, „Beats by Dre“ и „Millennium & Copthorne Hotels“, како и зголемување на приходите од продажбата на Интернет.
