Центарот за интеграција на мигранти од општина Солун организира часови по грчки и персиски јазик за деца бегалци од шест до 17 години за нивно полесно вклучување во училиштата во Грција, објави грчката новинска агенција АНА-МПА, jави дописничката на МИА од Атина.
Заменик градоначалникот на Солун, задолжен за социјална политика, Харис Аидопулос за АНА-МПА вели дека станува збор за активност во рамки на програмата „React“ во соработка со УНИЦЕФ и невладини организации, а часовите за децата ќе се одржуваат два пати седмично во попладневните часови.
