Сите наоди во врска со непрефрлувањето средства во Вториот пензиски фонд се предадени во Основното јавно обвинителство. Соглано Кривичниот законик, сите што водат државни институции, органи на управата и јавни претпријатија имаат обврска, се што ќе идентификуваат како недостаток да го достават до другите надлежни институции, а тоа во случајов не е Министерството за труд и социјална политика.
Вака министерката за труд Мила Царовска денеска одговори на новинарско прашање во врска со ставот на лидерот на ДУИ Али Ахмети по обелоденувањето на случајот со Вториот пензиски фонд.
– Повторувам дека Министерството за труд е орган на државната управа и управува со елементите поврзани со социјална заштита, пензиски систем и детска заштита. Во таа насока, за да се направи пензиската реформа, се направија детални анализи и се утврдија недостатоците во системот. Се она што се виде и се утврди како заостанување и недостаток на одредени финансиски средства кои не биле префрлувани кај граѓаните во Вториот столб, го направивме како законска измена и ги обесштетуваме граѓаните. За сите други елементи ќе ве упатам во Основното јавно обвинителство каде се предадени сите пронајдени елемнти – напомена Царовска на прашањето „дали меѓу СДСМ и ДУИ постои проблем што граѓаните не го знаат и дали „оваа војна“ меѓу неа и Ахмети ќе влијае врз односите на двете партии.
Ахмети во телевизиско интервју изјави дека скандалот во министерството за труд и социјална политика го сфаќа како специјална војнa против Демократската унија за интеграција.
– И невладините организации и медиумите и политичките партии сите станале oбвинитeли и сите обвинуваат за кpaдење и за нечисти работи, а никој од нив не оди да пријави во oбвинитeлcтво. Еве на пример да го земеме последниот случај каде што излегува министерката без никаква одговорност и вели дека се изгубени 19 милиони евра во пензискиот фонд. Јас оваа порака ја сфаќам како една специјална војнa против ДУИ, бидејќи случајно се погодиле директорите да бидат на ДУИ. Нека оди во oбвинитeлcтвo, тоа се 19 милиони евра. Излегува денес и вика дека било техничка грешка, но за таа техничка грешка јас плаќам политичка цена – рече Ахмети.
