Со таа девојка бев во врска година дена. Еден ден ми беше досадно на работа, па од љубомора што има ново момче, ги објавив нејзините фотографии. Знам дека ја повредив и жал ми е.
Со ова се бранел дваесетгодишник од Хрватска. Тој, како што е обвинет, од својот мобилен телефон на лажен профил ставил две фотографии од 17-годишничката во долен веш. Таа поради фотографиите имала трауми и трпела исмејување, пренесува „Курир.рс“.
– Забележав дека нешто чудно се случува со мојата ќерка. Не можеше да спие, ниту да јаде. Се жалеше на болки во стомакот и во главата. Со сопругата се обидовме да разговараме со неа, но таа не избегнуваше. На крај ни призна дека во училиште е злоставувана, но и на Фејсбук. Не можела да го издржи тоа и сакаше да се убие – рекол таткото на девојката.
Таа му кажала дека „на некој Фејсбук, не знаела чиј е, ги видела своите фотографии“.
