Борбата против корупцијата на високо ниво мора да продолжи непрекинато, напиша на Твитер еврокомесарот за проширување и соседска политика Јоханес Хан, коментирајќи ја аферата „Рекет“.
„Борбата против корупцијата на високо ниво мора да се одвива непрекинато. Што се однесува до најновите откритија, важно е да се утврди правна одговорност за сите кривични дела, вклучително и оние што произлегуваат од и околу илегалните прислушувања. Никој не е над законот и не може да има неказнивост. Надлежните органи мора да ги испитаат сите кривични дела, без никакво мешање, а сторителите да бидат изведени пред лицето на правдата“, напиша Хан на Твитер.
