Татко и син денеска околу 11 часот на булеварот Ослободување во Кичево, започнале вербална расправија, а потоа со метални предмети физички ги нападнале Ф.А. (33) и Н.Б. (42) од Кичево.
– Тие се пренесени во Општата болница каде им биле констатирани телесни повреди. По преземени мерки, напаѓачите се пронајдени и приведени. По целосно документирање на настанот, против нив ќе биде поднесена соодветна пријава – вели портпаролот на СВР Охрид Стефан Димоски.
Нападнатите се сегашниот и бившиот директор на кичевската гимназија „Дрита”, од поранешен вработен во оваа установа.
