Возачот на Ферари, Себастијан Фетел беше задоволен од настапот на Гран-при Канада. Германецот ја забележа третата победа оваа сезона и вкупно 50-та во неговата кариера.
– Идеално е веројатно најдобриот збор за опишување на трката. Ова е неверојатно. Пред трката кажав колку е важно оваа позиција за Ферари – изјави Фетел.
За мене, ова е 50-та победа, но Ферари тука не победи многу долго, а денес видов навистина среќни луѓе околу себе. До крајот на шампионатот има многу време, и јас навистина не размислувам за конечниот пласман се уште, дополни Фетел.
По вчерашната победа тој е нов лидер во Генералниот пласман со еден бод повеќе од актуелниот светски шампион Луис Хамилтон.
