Реставрации и дополнувања на структурата се правени во 17 и 18 век. Доминираат во катедралата две кули со камбани изградени во 13 век. Највисоката е наречена Емануел.
Над катедралата се издигаше кула со форма на стрела што се урна во пожарот. Таа беше висока 93 метри.
До двете кули со камбаните се стигнува со 387 скали од каде туристи може да видат панорама на градот.
„Нотр Дам“ не е само катедрала, трага од времето, кога луѓето гледаа кон небото, тоа е заеднички дом, арка на нашата историја. Тоа е бесценет дел од Франција, опустошен од пожарот, објавуваат француски медиуми.
Обновата почна минатиот јули. За обнова беа потребни 150 милиони евра. Државата деблокира 2,5 милиони евра за една од кулите висока 93 метри и изградена од 500 тони дрво и 200 тони олово.
