Времето денеска во Македонија ќе биде променливо облачно, претпладне со подолги сончеви периоди и со магла по одделни котлини.
Попладне во западните делови ќе има врнежи од дожд, а на планините од снег. Во текот на ноќта врнежите ќе се прошират и во останатите делови. Ќе дува умерен ветер од југоисточен правец.
Температурата ќе се движи од минус 8 до 10 степени. Во Скопје од минус 8 до 5 степени.
Утринава најстудено е во Петровец кај Скопје каде во 07:30 часот се измерени -10 степени, а најтопло во Дојран каде температурата е два степена.
Утре ќе биде претежно облачно со повремени врнежи од дожд, а на планините од снег. Претпладне по одделни котлини ќе има појава на магла. Врнежите ќе бидат пообилни во текот на ноќта во источните делови. Температурата утре ќе биде од 0 до 9 степени.
