Тереза Меј е слаб премиер, така мислат речиси половина од британските гласачи, според нова анкета на ЈуГов.
Според резултатите од анкетата, 49 отсто испитаници сметаат дека таа лошо постапувала како премиер, а само 21 отсто и даваат поддршка за работата.
Претходно, Меј се повлече од позицијата лидер на партијата поради немање поддршка и меѓу сопартијците за договорот за Брегзит со ЕУ.
Изборите во партијата завршија денеска, а нејзиниот наследник ќе биде познат утре.
Откако членовите на Конзервативната партија ги дадоа своите гласови заврши гласањето за нов премиер на Велика Британија, а резултатите официјално ќе бидат објавени утре.
Според анкетите фаворит за премиерската функција е поранешниот градоначалник на Лондон и поранешен министер за надворешни работи Борис Џонсон. Вториот кандидат е актуелниот шеф на британската дипломатија Џереми Хант.
Предвидено е в четврток победникот официјално да ја смени Тереза Меј.
Кандидати беа поранешниот министер и екс градоначалник на Лондон, Борис Џонсон и актуелниот шеф на дипломатијата Џереми Хант.
Официјално, Лондон ја напушта ЕУ на 31 октомври, но се поверојатно сценарио е тоа да се случи без договор.
