Жена (58) од Франција загина завчера пред очите на својот син (15) во бизарна несреќа додека приготвувала торта.
Нејзе марамата (шалот) ѝ се заплеткала во блендерот и се задавила во кујната во нејзиниот дом во Сент Етјен, пишува „Ле Прогрес“.
Тинејџерот повикал итна помош кои му рекле да го исклучи апаратот од струја и да ја пресече марамата.
За жал, на несреќната жена ѝ немало спас, без оглед на обидите на лекарите да ја оживеат кога пристигнале на местото.
Синот објаснил дека до трагедијата дошло додека правеле торта, а обдукцијата и истрагата треба да утврдат што точно се случило.
