УЕФА определи по 17 илјади билети за двата тима финалисти во Лигата на шампионите.
Финалето е на 26 мај на Олимпискиот стадион во Киев, а вечерва ќе биде познат вториот тим кој ќе се бори за трофејот, откако до 20:45 часот на „Олимпико“ излегуваат Рома и Ливерпул.
Реал Мадрид веќе резервираше место за Киев, па шпанските медиуми се заинтересирале за квотите за влезници и УЕФА веќе ги откри.
Реал може да почне да ги распределува уште денеска.
Стадионот има капацитет од 63.000 места, а во продажба ќе бидат 40.700, додека остатокот одат за официјални гости и спонзори.
