Двајца тинејџери се убиени во британскиот град Милтон Кејнс. Жртвите се идентификувани како 17-годишните Бенџамин Рајс и Доминик Ансах, за кои полицијата тврди дека најверојатно се познавале, пренесува „Метро“.
Момчињата биле убиени околу полноќ за време на приватна забава во куќа. Според зборовите на инволвирани лица, станувало збор за роденденска прослава. Едниот тинејџер го изгубил животот на лице место, додека другиот им подлегнал на повредите во болница.
За време на инцидентот повредени биле уште две момчиња, на возраст од 17 и 23 години. Нивните повреди се сериозни, но не се опасни по живот.
Според полицијата, на забавата имало од 15 до 20 гости, кои најверојатно сите се знаеле меѓусебно. Една сосетка кажала оти слушнала врескање за време на убиствата, но не видела ништо.
ФОТО: Метро / Фејсбук
