Туристите кои го посетуваат местото Телашчица на островот Дуги оток на хрватското приморје, може за сувенир да си купат магарешки измет. Сопственикот на продавницата на туристите како сувенир им продава – измет од магаре.
– Тоа е измет од магарe и како сувенир оди одлично. Го нарековме „Lucky Donkey Shit“, тоа е среќен измет и затоа домашните и странските туристи со задоволство го купуваат. Нам не ни е толку лесно, околу тоа има многу работа. Кога магарето ќе изврши голема нужда, ние треба да пронајдеме само еден дел кој е по својот состав поинаков. За среќа, релативно брзо се препознава, бидејќи е преполн со трева и е сосема поинаков по својот состав. Кога ќе го издвоиме, го ставаме во кутија и го продаваме – раскажал Себастијан Јагиќ, чиј татко Горан го покренал овој бизнис.
Цената на бизарниот сувенир е 40 куни, односно околу 5,5 евра.
– Луѓето дури и не прашуваат за цената. Ним им е важно да носи среќа и изметот од нашите магариња отпатува насекаде во Европа – рекол Себастијан Јагиќ.
