Три лица се повредени во сообраќајна несреќа која се случила вчера, околу 7 часот наутро, во Куманово, соопшти СВР Куманово.
Возилото кое ја предизвикало несреќата, прво удрило во бетонски столб, а потоа и во друго паркирано возило. Во несреќата, потешко се повредени две лица кои биле пренесени во клиниката „Мајка Тереза“ во Скопје, додека на лицето кое било во паркираното возило му била укажана лекарска помош во Општата болница во Куманово.
