Вчера попладне на локалниот пат Куманово-село Горно Коњаре се случила тешка сообраќајна несреќа, во која биле повредени три лица од село Горно Коњаре.
– Вчера околу 12.25 часот на локалниот пат Куманово-село Горно Коњаре, се случила сообраќајна незгода помеѓу патничко моторно возило „мерцедес“ со кумановски регистарски ознаки, управувано од Г.Ј.(52) од Куманово, и патничко возило „пежо“ со кумановски регистарски ознаки, управувано од А. Ф. (22) од с.Горно Коњаре-Куманово. По незгодата Г.Ј., А.Ф. и сопатничката во возилото ,„пежо“ М. Ф. (41) биле пренесени во Ургентен центар-Куманово, каде им биле констатирани тешки телесни повреди, стои во соопштението на МВР.
Увид на лице место извршила екипа од ПС за БПС-Куманово.
