Двајца возачи и еден сопатник се тешко повредени во сообраќајна незгода што се случила околу 18 часот и 15 минути на стариот пат од Тетово кон Скопје. Тројцата се повредени поради судир на камион и автомобил.
– Кај требошки натпатник се судриле товарно моторно возило „мерцедес” со тетовски таблици управуван од Х.А (48) од Голема Речица и патничко возило „опел корса” што го возел М.Б роден 2001 година од Сараќино. Двајцата возачи како и сопатникот во опелот Б.С роден 2000 година исто од Сараќино добиле тешки телесни повреди – соопшти Марјан Јосифоски, портпарол на СВР Тетово.
Тројцата по укажаната помош во тетовската болница поради сериозноста на повредите се однесени на скопските клиники.
Извршен е увид од СВР Тетово за да се откријат причините за сообраќајката.
