Три лица се повредени при сообраќајка помеѓу мопед и велосипед во Велес, едно од нив потешко. Несреќата се случила на улицата Димитар Влахов кај железничкиот мост.
– Вчера во 17.25 часот било пријавено дека се случила сообраќајна незгода помеѓу мопед „априлија“ со велешки регистерски таблици управуван од Ѓ.К. (50) од Велес и велосипед „крос“ управуван од Н.М. (50) од Велес. Во незгодата со тешки телесни повреди се здобила Н.М, а Ѓ.К. и сопатничката од мопедот Д.Т. се здобиле со телесни повреди констатирани од страна на лекар од Општата болница Велес – информира портпаролот на СВР Велес, Верољуб Додевски.
Увид на местото на настанот извршила увидна екипа од СВР-Велес се работи на расчистување на случајот.
