Собранието денеска усвои три закони во трето читање што беа вратени во Парламентот зашто поранешниот претседател Ѓорге Иванов одби да ги потпише указите за нивно стапување во сила.
На седницата беа усвоени Законите за Судскиот совет на Република Северна Македонија, Законот за слободен пристап до информации од јавен карактер и Закон за инспекциски надзор.
Ова се дел од законите кои беа усвоиени во изминатиот период, но не стапија на сила поради непотпишувањето на указите од страна на Иванов, со образложение дека нема да потише ниту еден закон со новото име на земјата.
Собранието продолжи со работа со точки кои се останати на дневен ред на 94-та седница.
