Поранешниот собраниски претседател Трајко Вељановски, си замина од Кривичниот суд во Скопје каде беше повикан на распит како осомничен за дел од организаторите на настаните пред и по 27 април 2017 година.
За него и за ексминистрите Миле Јанакиески и Спиро Ристовски, кои се уште се во судот, обвинителството бара притвор.
Меѓутоа, Вељановски е актуелен пратеник и има пратенички имунитет, па за да се спроведе распит и потоа да има одлука дали ќе заврши во притвор или не, пратениците во Собранието треба да му го одземат имунитетот.
Вељановски: Десет години сум бил претседател со Собрание и јас да бидам организатор?
Во истрагата што ја отвори Обвинителството за гонење организиран криминал и корупција осомничени се уште две лица и според неофицијални информации, станува збор за експремиерот Никола Груевски кој е во бегство во Унгарија, и Никола Бошковски поранешен вработен во Тајната полиција, кој, пак, е во бегство во Грција, а е осомничен од СЈО за прислушувањето.
