Директор на Агенцијата за заштита на личните податоци, Горан Трајковски ќе биде нов генерален директор на Еуростандард банката.
Според Прес 24, Трајковски заминува од ДЗЛП за да стане директор на Еуростандард банката. Тој за порталот само најавил дека заминува на друга функција.
Трајковски за Плусинфо навести дека ќе оди на друга функција, но одби да открие дерали. Тој само кусо ни изјави да почекаме да заврши со оставката.
Трајковски во оставката, која во Собранието е доставена во петокот, пишува дека од лични причини си оди од ДЗЛП.
Тој во оставката се заблагодарува на довербата да биде избран за директор, во како што вели, период кога Македонија се соочувала со тешки повреди на приватноста, намалена доверба на граѓаните во институциите, што било констатирано и од експертите предводени од Рајнхард Прибе.
