Американскиот претседател, Доналд Трамп, изјави дека не тој не посакува војна, но го предупреди Иран дека ќе се соочи со целосно уништување доколку избувне конфликт меѓу двете држави.
Во интервјуто за телевизијата Ен-Би-Си, Трамп рече дека САД се отворени за разговори со официјален Техеран, но нема да му дозволат на Иран да поседува нуклеарен арсенал.
Во однос на информациите дека тој бил многу блиску до донесувањето одлука за бомбардирање на цели во Иран, Трамп тврди дека не дал зелено светло за авионскиот напад во последен момент, дури откако наводно дознал за проценките дека во воената операција ќе бидат убиени околу 150 луѓе.
– Прашав колку луѓе ќе бидат убиени? Господине, ќе провериме сега. Одлични луѓе, овие генераливе. Се вратија и рекоа: Господине, околу 150. Размислив малку и реков: “Знаете , тие соборија дрон без екипаж, авион,како и да го наречеме. А ние сега зборуваме за 150 мртви луѓе и тоа ќе се случеше околу половина час откако ќе дадев дозвола. Не ми се допадна тоа. Мислам дека не беше, не беше пропорционално – изјави Трамп.
Иранската армија соопшти дека во Четвртокот го собориле американскиот дрон кој влегол во воздушниот простор на исламската република, додека Пентагон тврди дека нивното безпилотно летало било соборено во меѓународниот воздушен простор.
ФОТО: EPA-SHAWN-THEW
