Холивудската ѕвезда Том Круз (57) е принуден да остане во луксузниот хотел во Венеција, откако го сними филмот „Мисија: Невозможно 7“, поради избивање на коронавирусот во Италија, пренесува „Дејли мејл“.
Том пристигна во Италија на 20 февруари, а сега е „заглавен“ во хотелот „Грити палас“, а филмот престана да се снима додека не се види расплетот со ситуацијата со коронавирусот.
Според странските медиуми, Том не би смеел да излезе хотелот до 1 март, додека продуцентите да видат што ќе прават понатаму со снимањето. Премиерата на филмот е најавена за 23 јули 2021 година, но поради паузата во снимањето на филмот, може да се одложи. Филмот „Мисија: Невозможно 7“ го продуцира Кристофер Мекквари (51), а покрај Круз глумат Ребека Фергусон (36) и Хејли Атвел (37).
Никој од филмската екипа досега не е заразен. Италијанските медиуми јавуваат дека досега починале седум жртви на коронавирусот во Италија, а сѐ е поголем бројот на заразени.
