Седумдесетгодишен маж од Бока Ратон (Флорида) е обвинет за сексуално злоставување на дете, откако 13-годишното девојче, со кое живеел, забременилo.
Тинејџерката отишла кај лекар поради болки во стомакот, мислејќи дека има запек, но било утврдено дека е во трет месец од бременоста.
Таа живеела со Ренo Џером, кој, како што рекла во полицијата, постојано ја допирал и имал секс со неа.
Од полицискиот извештај, во кој многу податоци се затемнетi, не се гледа во каков меѓусебен однос биле.
„Џером изјавил дека последните неколку месеци три пати имале сексуални односи со заемна согласност, и дека таа покажувала поголем интерес за него, отколку тој за неа, и дека никогаш на ништо не ја присилувал“, се наведува во извештајот.
Џером, кој признал дека е татко на нероденото дете, се наоѓа во затворот Палм Бич, без можност за ослободување со плаќање кауција. Судијата му забранил контакт со девојчето и со други лица помлади од 18 години додека се чека резултатот од истрагата.
Во Флорида, границата на законска согласност на сексуални односи е 18 години, иако во поедини случаи овозможува и сексуален однос на 16 години, под услов партнерот да не е постар од 23 години.
Исто така, неодамна е воведен „Законот на Ромео и Јулија“, кој треба да ги спречи тинејџерите и двојките на средношколска возраст кои имаат сексуални односи да бидат обележани како сексуални престапници.
FOTO: PALM BEACH COUNTY SHERIFF
