Телото на гангстерот од 1930-тите години Џон Дилинџер ќе биде ексхумирано, затоа што неговите роднини се сомневаат дека на гробиштата во Индијанаполис е закопан некој друг.
Министерството за здравство на државата Индијана објави допис во кој Мајк Томпсон и Керол Томпсон Грифит, кои тврдат дека Дилинџер им бил вујко, бараат неговото тело да биде ексхумирано за да се спроведат форензички анализи.
Роднините на Дилинџер наведуваат дека примиле докази дека лицето кое било убиено во киното „Биограф“ во Чикаго на 22 јуни 1934 година можеби не е Дилинџер.
Дозволата за ексхумација е издадена во јули, а мрежата А&Е Нетворкс наведува дека ќе ја снима како дел од документарен филм за каналот Хистори.
