Актерот Тајлер Блекбрн зборуваше за својата сексуална ориентација, велејќи дека неговата улога во „Росвел, Њу Мексико“ била една од причините за да си ја отвори душата.
– Се идентификував како бисексуалец уште како тинејџер – рекол тој за „The Advocate“.
Триесет и двегодишниот Блекбрн сфатил дека не е ниту геј, ниту стрејт. Кога завршило неговото време како Кејлеб Риверс во „Слатки мали лажливки“, му се отворила нова врата во животот.
– Слушав толку многу работи за бисексуалците, полесен начин да се изјаснеш и што ли уште не. Тоа секогаш ми пречеше, се чувствував притиснато од сите страни дека морам да си ја дознаам сопствената сексуална ориентација – рекол тој.
Блекбрн сега го игра геј ветеранот Алекс Мејнс во серијата „Росвел, Њу Мексико“.
– Сфатив дека се чувствувам угнетено. Сфатив дека имам проблеми со татко ми и дека сакав тој да ме прифати таков каков што сум. Сфатив дека сакам да имам нешто, но се плашев да го добијам. Сфатив дека се сомневав во самиот себе – рекол актерот.
Потоа, ѕвездата на „Рејвенсвуд“ сфатил оти е изморен од тоа да се грижи што мислат другите за него.
– Сакам да ја живеам вистината и да се чувствувам океј што дозволувам да ја искусам љубовта, но и љубовта кон самиот себе. Сакам да се чувствувам добро што ќе ја држам раката на моето момче додека одам по улицата, безгрижно. Дали некој ќе ме погледне и ќе рече „Леле, нели е тоа момчето од онаа серија? Не знаев дека е таков“. Сакам да имам свој простор – додал актерот.
Тој претходно беше во врска со неговата љубов во „Слатки мали лажливки“, Ешли Бенсон, како и со сценаристот Лорен Хувер.
ФОТО: Инстаграм
ФОТО 2: Принтскрин / Холивуд лајф
