Пејџ Винтер (17), во неделата попладне, пливала на една плажа во Атлантик бич, во Северна Каролина, кога ја нападнала ајкула.
Нејзиниот татко Чарли, кој, освен како војник, работел и како пожарникар и болничар, брзо влетал во водата и, без двоумење се фрлил врз ајкулата.
Со силни удари успеал да ја избрка ајкулата и да ја спаси својата ќерка. Девојката била однесена во болница и набрзо подложена на операција, но, за жал, лекарите морале да ѝ ја ампутираат ногата, јави Би-би-си.
Нејзината баба Џенет соопштила дека нејзиниот син ја удрил ајкулата во главата пет пати, пред животното да ја пушти несреќната Пејџ.
Пејџ, која е посветена на заштитата на океанот и морскиот свет, сега е во стабилна состојба. Таа од болницата порачала дека се надева дека луѓето ќе продолжат да ги почитуваат ајкулите и нивното живеалиште, пренесува „Њуз хаб“.
