Зоран Заев и Христијан Мицкоски, учесници во дуелот во емисијата „Само вистина“ на Канал 5, целосно ја промашија темата за непотизмот. Мицкоски кусо кажа дека уште собираат материјали, а Заев дека се чека на одлуките на Антикорупциската комисија.
Но, наместо тоа, Заев го нападна Мицкоски дека му бил асистент на својот татко Иван Мицковски на Машинскиот факултет и дека кај него магистрирал и докторирал.
Мицкоски потврди дека бил вработен на факултетот во исто време со татко му, но објасни дека бил избран со тајно гласање и додаде дека татко му не учествувал ниту во подготовката ниту во оценувањето на неговите магистерски и докторски трудови.
– Да, во еден момент му помогнав на мојот родител, од кого многу учев. И вие многу сте научиле од вашиот татко, кој беше обвинет за кражба на електрична енергија – возврати Мицковски.
Заев прецизираше дека тоа обвинение било отфрлено.
