По повод доаѓањето на иселениците, градоначалникот на Гостивар, Арбен Таравари, на граѓаните на Гостивар и полицијата им упати апел со кој ги повикува да се покажат поширокогради и погостољубиви.
Во апелот Таравари вели дека најголем наплив на иселеници се очекува, пред сѐ, викендов и во периодот што претстои.
– Иселениците престојуваат само неколкудена во родниот крај, и во тие денови, трошат и инвестираат толку многу пари што ја држат во живот економијата на државава. Ако мал дел од нив, во главно помладите, не се доволно дисциплиниран во сообраќајот, и заедно со други млади од нашиот град се однесуваат на начин кој потешко можат да го прифатат постарите генерации, сепак треба да биде малку поширокогради и потолерантни, сé додека нивното однесување не остава последици, или не претставува некоја посериозна повреда на законот и нормативите – вели Таравари во апелот.
Тој бара што поефикасно да се мобилизираат полициските службеници да бидат на ниво на задачата, повеќе да влијаат превентивно и што повеќе да асистираат што повеќе за успешно справување со гужвата во сообраќајот, без да се има потреба за казнени мерки.
