Оставете ги светите браќа, нека си почиваат во мир. На шопинг во Рим може да се оди и по друг повод. Океј, денот на светителите е добар повод за политички дијалог, но, тоа може да биде и некој рок концерт, опера или фудбалски натпревар. Какво чествување!? Парада на политичките манекени, колекција пролет- лето. И по илјада години Македонците и Бугарите се тресат пред писменоста и знаењето како пред опасност која може да им ги затрупа шармантните дупки на реалната неписмемост и некултура.
– Заминаа ли – ме праша некој што на мобилниот се претстави како Свети Кирил.
– Кои – го прашав- кои дали замимале!?
– Бугарите и Македонците- појасни светецот.
– Да-му реков- нема жива душа, ако мислиш на гробот.
– Да – одговори Кирил- секоја година кога тие ќе тргнат да се лигават врз мојата плоча, јас бегам во првата пицерија, годинава се преждрав, ми иде да си прилегнам малку, затоа прашувам.
