Утре се навршуваат четири години од настаните во кумановско Диво Насеље на 9 и 10 мај 2015, случај за кој се најавуваше и очекуваше дека можно е да го преземе СЈО, но шефицата на оваа институција, Катица Јанева, денеска изјави дека досега не пронашле „бомби“ за овој предмет.
– Има индиции во делот на тоа што и како се случувале кумановските настани, но сепак СЈО нема најдено разговори за да може да воспостави надлежност врз тој предмет. Се работи предистрага, но ќе биде многу тешко да се каже дали воопшто ќе се преземе тој предмети – рече Јанева одговарајќи на новинарско прашање.
