Сулејман Реџепи ќе биде запишан како поглавар на ИВЗ во Регистарот за верски заедници, потврди судот.
Барањето за промена во регистарот упатено од Скендер Бузаку е одбиено порати тоа што тој не ја исполнувал старосната граница за да ја предводи Исламската верска заедница.
Бузаку има 39 години и побарал да биде запишан како поглавар, а потребни се 40 години.
Неизвесно е дали и покрај судските одлуки превирањата за превласт во ИВЗ ќе запрат. Неодамна Бузаку поднесе материјали до обвинителството, со кои тврди дека Реџепи сторил криминал од 700 илјади евра, а од ИВЗ најавија тужба за клевета.
