Во Кривичниот суд во Скопје продолжува судењето за изборни нерегуларности „Титаник“ на специјалното јавно обвинителство.
Случајот се наоѓа во доказна постапка и треба да продолжи со читање на смс комуникација меѓу обвинетите, предложена од обвинителството.
Во „Титаник“ обвинети се поранешниот премиер Никола Груевски, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.
Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за за финансирање изборна кампања.
Судот на минатото рочиште го прифати барањето на обвинителството и одреди 30-дневен притвор на поранешиот премиер Никола Груевски, кој е во бегство во Унгарија.
