Бугарската фудбалска легенда, Христо Стоичков, во интервју за полското национално радио, ја бранеше својата земја во врска со расистичкиот скандал во октомври, кога репрезентацијата на Англија гостуваше во Софија.
– Не сакам ни да слушнам дека ние Бугарите сме биле расисти. Јас не се чувствувам расист. На стадионот имаше 20.000 луѓе, и тоа што 15-20 глупаци направија нешто што не требаше, не значи дека целата нација сме расисти – вели Стоичков.
Единствениот Бугарин кој ја освоил „Златната топка“ за најдобар фудбалер на светот, додаде дека неговата земја ги отворила границите за мигрантите, и бојата на кожата не им е важна, па сето тоа се докази дека не се сите Бугари како оние што предизвикаа прекин на мечот со Англија.
