Напаѓачот на Ливерпул, Даниел Стариџ е обвинет дека го прекршил правилото на англиското фудбалско здружение за обложување на фудбалски натпревари.
Правилото наведува дека фудбалер „нема право да се обложува директно или индиректно или да му наложи или да дозволи друго лице да се обложува“ на фудбалски натпревари.
Уште едно правило им забранува на играчите да обезбедуваат информации за фудбалски натпревари кои не станале јавни за обложувачите.
Обвинението е за јануари 2018 година. Страриџ има време до 6 часот по англиско време на 20 ноември, за да одговори на обвиненијата.
Во официјалната изјава на Ливерпул, напаѓачот „категорично изјавил дека никогаш не се обложувал на фудбалски мечеви“.
Клубот додава дека Стариџ целосно соработува за решавање на случајот.
фОРО: EPA/PETER POWELL
