Безживотните тела на сопружниците Ш.Х. на 60-годишна возраст и 43-годишната К.Х. биле пронајдени во својот дом во Србија. На нив имало рани нанесени со, како што се верува, ловечка пушка, која мажот легално ја поседувал.
– Се сомневаме дека мажот со неа пукал во сопругата, а потоа си пресудил и себеси – рекол извор од истрагата за „Курир.рс“.
Според податоците на полицијата и социјалните служби, немало пријава за насилство во ова семејство.
Наводно, засега немало причина да се верува дека во случајот е замешано трето лице. Неофицијално, брачниот пар живеел во простории на имотот на една фирма, во која сопругот работел како чувар.
