Концептот на помирување, на национално обединување не може по дифолт да значи амнестија. Ние можеме да обезбедиме национално обединуваање, но во исто време мораме да обезбедиме и правда, рече министерот за внатрешни работи и потпретседател на СДСМ, Оливер Спасовски во неговото вечерашно гостување во Топ тема на ваша страна на ТВ Телма.
-Во овој историски момент кога сите сме сведоци дека поделбите беа генерирани од секаков можен аспект, можеме да констатираме дека ни е потребно едно такво помирување и национално обединување. Можеме да разговараме за поделби и спротивставувања на одредени прашања меѓу политички партии, но за стратешките цели потребно ни е обединување – рече Спасовски.
Тој рече дека тие планираат исклучиво процес на национално помирување и низ дебатата во Собранието да се кажат сите правци како тоа да се одвива, меѓутоа тоа не мора значи амнестија.
