Тренерот на Интер, Лучијано Спалети, по натпреварот со Рома (2:2) ги обвини новинарите дека лажат за неговиот период на работа во римскиот клуб.
Тој тврди дека не е причината поради која Франческо Тоти ја заврши својата кариера.
– Вие новинарите мора да престанете да кажувате лаги за Тоти и за мене. Тој не ја заврши кариерата поради мене и не го избркав од тимот. Сите во клубот знаеја дека Франческо ќе ја заврши својата кариера, а јас тука не сменив ништо – изјави Спалети.
Франческо Тоти ја заврши својата кариера на крајот од сезоната 2016/17.
