Ги очекуваме останатите резулатати од санитарниот преглед направен на вработените. Ново пријавени случаи нема, а во интерес на пациентите, апелираме до јавноста дека нема потреба од било каков сонмеж за сигурно и квалитетно давање на стоматолошки здравствени услуги, соопштија денеска од ЈЗУ Универзитетски стоматолошки клинички центар Свети Пантелејмон – Скопје, а во врска со настаните околу веста за откриена бактерија “Mрса“ кај еден од вработените во оваа установа.
Работниот процес се одвива непречено, во континуитет. Покрај генералното чистење и дезинфицирање од страна на нашите вработени, во текот на денешниот ден во периодот после 14.30 часот превентивно ќе биде извршена дезинфекција на целата клиника и од страна на овластена институција – нагласуваат од овој стоматолошки клинички центар.
