Сопругот на познатата пејачка Ники Минаж, Кенет Пети во средата бил однесен во притвор, а светските медиуми пишуваат дека сам ѝ се предал на полицијата, откако против него е поднесена тужба на државно ниво.
Инаку, Пети во Лос Анџелес се преселил минатиот јуни, уште пред да го изговори судбоносното „да“.
Имено, на 15 ноември полицаец го запрел и утврдил дека Пети веќе се води како сексуален престапник во државата Њујорк, но дека никогаш не е регистриран на тој начин во Калифорнија како што налага законот, иако во Калифорнија се преселил четири месеци порано.
Се чини дека и по тие опомени од полицарцот, Пети и натаму не се регистрирал, па сега полицијата одново го разгледува неговиот случај.
Кенет во 1995 година е осуден за обид за силување од прв степен. Поради злосторството, тој отслужи затворска казна од речиси четири години во Њујорк и потоа морал да биде регистриран како сексуален престапник, но Пети тоа не го направил и во Калифорнија.
Ако биде осуден по државната тужба која е отворена против него, Кенет може да добие и до 10 години затвор.
ФОТО: Принтскрин/Инстаграм
