Едно лице е тешко повредено во сообраќајна несреќа во која учествувале патничко
моторно возило „фолксфаген голф“, со кумановски регистарски ознаки,
управуванo од И.З.(35) од гостиварски Добридол и трактор „имт“ со
приколка, што го управувал И.Р.(56) од село Боговиње, тетовско. Ова го соопшти Министерството за внатрешни работи.
– Вчера околу 17.20 часот на регионалниот пат Гостивар – Градец, во Дебреше, се случила сообраќајна несреќа. Во несреќата, И.Р. се здобил со тешки, а И.З. со телесни повреди и биле пренесени во гостиварската болница „Ферид Мурад“ за укажување на
лекарска помош – велат од МВР.
На местото на несреќата увид извршила екипа од Полициската станица Гостивар.
