Собранието ги констатира оставките на замениците министри за економија и за образование Кире Наумов и Петар Атанасов.
Ни Наумив, ни Арсовски не ја искористија можноста да ги образложат оставките.
Со констатацијата на оставките на замениците министри Собранието ја почна седницата за избор на новите министри за финансии и без ресор Нина Ангеловска и Хисен Џемаили. На седницата треба да се изберат и заменици министри и вицегувернер.
За заменик министер за економија е предложен Кирил Колемишевски, за заменик министер за образование и наука Елизабета Наумовска, а Неџад Мехмедовиќ за заменик министер за политички систем и односи меѓу заедниците.
Пратениците на денешната седница треба да изберат и нов вицегувернер на Народната банка на Република Северна Македонија, за што е предложен Фадил Бајрами.
