Собранието констатира дека на министрите за култура, за земјоделство, за животна средина, министерот без ресор Асаф Адеми, Љупчо Николовски, Садула Дураку и Зоран Шапуриќ им престана мандатот, бидејќи тие претходно поднеле оставки.
Ниту еден од министрите не ја образложи својата оставка.
Впечатливо е дека оставка не поднел министерот за локална самоуправа Сухел Фазлиу. НДП не се согласи Фазлиу да поднесе оставка, бидејќи според лидерот Весел Мемеди тоа министерство и припаѓа на НДП.
Оставка нема ниту од министерот за финансии Драган Тевдовски и од вицепремиерот за Рамковниот договор Хазби Лика.
