На Партизанка во Скопје, синоќа во 20 минути по полноќ, бил приведен 26-годишен скопјанец затоа што при претрес кај него бил пронајден пиштол „берета“ калибар 6,35 мм со 15 куршуми.
Тој бил приведен во полициска станица и по целосно документирање на случајот, против него ќе биде поднесена соодветна пријава, информира МВР.
И шеснаесетгодишник е лишен од слобода откако во неговиот автомобил бил пронајден пиштол.
„Вчера во 22.50 часот на регионалниот пат Гостивар-село Вруток, полициски службеници од полициската станица Гостивар од слобода лишиле 16-годишен малолетник од село Речане, гостиварско, поради тоа што при преглед во возилото „фолксваген голф“, што го управувал, бил пронајден пиштол „бруни 92“ и два куршуми со калибар 7,62 мм“, велат од МВР.
